Ny ampitso (Tsiky dia ampy)

Nantsain'i
(Nalaina tao amin'ny vetso.serasera.org)
Omaly isika olon-droa
Tsy nifankahalala akory
Samy nanana ny lalany
Ny eritreriny, ny diany
Samy nanana ny fony
Samy nanana ny tiany.
Dia nisy ny hariva
Dia nisy ny maraina

Androany isika olondroa
F'efa miaina aina iray
Manamboatra lalan-tokana
Hanambarana ny dia.
Hiombonana fitia.
Tsisy tiana hafa intsony
Dia hisy ny hariva
Dia hisy ny maraina

Ny ampitsontsika? Ho iray
Tsisy olon-droa intsony.
Mitovy tantana, miray
tsisy ambany tsisy ambony
Iray fitia, iray fo,
Ho nofo iray ilay nofo roa
Rehefa nisy ny hariva
Tsy maintsy tonga ny maraina.
--------
Rohy:
Sokajy : fanantenana - Fitiavana
3032 2
Hevitra mandeha
ANARIM ( 07/06/2006 09:22)
dray dray dray! aoka leiss ra hery!
chakkakkely ( 12/06/2006 05:24)
mahafinaritra ery izany ,
fiaritiana ( 13/06/2006 18:37)
tsara be! tohizo
hery ( 29/06/2006 08:13)
Misaotra anareo rehetra...
Malalason ( 11/07/2006 06:45)
omaly isika tratra hariva dia nisy alina, nandimby azy ny andro....
Aino ( 13/07/2006 20:22)
tsara kosany ko.
raozigasy ( 24/07/2006 21:43)
Omaly isika olon-droa

Samy nanana ny lalany
Samy nanana ny tanjony
Nanana izay fahazarany
Nanana izay fibanjiny

Androany isika olon-droa

Nefa roa mitokan-dalana
Sady roa mitovy tanjona
Minia mitovy fahazarana
Miezaka hitovy banjina

Rahampitso isika hitombo

Tsy ho roa intsony fa hihena
Satria ny voady izay hekena
No hampitambatra ho iray
Ireo roa hatramin’izay

Rahafakampitso hanao ahoana ?

Ilay roa nanjary iray
Hihena sa hitombo indray ?
Ny kajikajy atao manaraka
Dia fampitomboina ny taranaka

....

tovoriela ( 18/01/2012 18:47)
manana talenta mints nareo e!!!
hery ( 28/05/2012 23:06)
Na izaho aza tonga saina mamaky azy :-p
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0104