You are here: home > Vetso

Tsikinao omena - Tsiky dia ampy

Raha namako ianao
Ka sendra nahalala
na nahita tany ho any
fa fetiko ny androany
Dia aoka kely aloha
Aza maika akory
Handany ron-doha
Hitady fanomezana
Ka handefa tsiaro
Voninkazo iray fehezana
Na taratasy  maro.
Fa tsiky kely iray
Dia efa ampy ahy.

Na fetiko aza androany

Zavatra tsy haiko
Sady koa tsy tiako
Ny hangataka aminao
Harena mora lany
Fa ny hany ilaiko
Sy ampy hifaliako
Dia ny tsikinao
hameno ny androany

Tsiky iray omena
ireo izay mifanena
sy olon-tsendra anao.
Na fantatra na tsia, tia na mankahala
Sakaiza, mpiara-dia, fahavalo na malala
Tsiky ho an'ny olona izay hitanao rehetra
Akama vaovao, olom-patatra etsetra

Ary na irery tsy misy izay mijery
Dia mitrakà mangina
Asio fitsikiana

Izay!

Tsikinao dia ampy
Fa mahasolo hira
Tsikinao dia ampy
Hataoko sovenira

31/12/2008

Hevitra mandeha

raozigasy (31/12/2008 11:27:10)

TSIKY FANOMEZANA

Eny efa niomana aho, ary alina aza, tsy nahita tory
Ilay loha nifamaho , sahirana toa zaza , feno sorisory
Hoe inona no atao , atolotra ho anao , amin ny andro anio
Fanomezana vaovao ? fitafy, kilalao ? mampiasa ny saiko io

Dia lasa teo ny saiko, nihevitra izay mety , atao fanomezana
Ilay fanahy moa nibaiko, hoe noho ity andro fety, teny atao fehezana
Moa ianao nanoratra, tao an-tserasera , hoe Tsiky moa dia ampy
Ka ilay aingan ny mpanoratra, tsy mba nitavera, fa tonga dia niantsampy

Koa noho ity fetinao, taona nahaterahana, dia izao no teny ambara
ho lava andro anie ianao, ho mamy ny fiarahana, ilay dimby ho tonga tsara
dia Tsiky no hamenoako, ny ambiny rehetra , toy ilay voalazanao
ilay Tsiky avy ao am-poko, tsy mba misy fetra, no aTsikiko aminao

ilay Tsiky tena marina, avy amin ny sakaiza,namana, rahalahy
ilay Tsiky izay mpanarina, ireo tsy afaka ho aiza , raha sendra ny tsy nahy
ilay Tsiky tsy amboletra, fa an-tsitrapo, fifanaovantsika
ireo Tsiky rehetra rehetra, ireo vokatry ny fo , ireo Tsikitsikintsika

dia mbola Tsiky ihany , no entiko mamarana , izato sora- tanana
ilay Tsiky mihanihany, zary fahazarana , veloma indray ra-Namana

maeva74 (15/06/2009 09:10:14)

Ilay tsikinao dia ampy hataoko souvenira

fahamarinana (15/06/2009 09:22:54)

marina tanteraka e ! Misaotra sefo o !

oracle (07/07/2010 16:19:37)

TSIKY, TSIKY fotsiny ihany

tiarah (08/07/2010 08:27:06)

kanto ery ilay hoe "Izay! tsikinao de ampy"

pisokelinah (09/10/2010 10:04:27)

eh mameno ny fiainako ny tsikinao!!!ampy ahy zay tena feno be e!!!tsiky dia ampy!!!

rakhaba (13/03/2013 11:11:02)

siky iray omena
ireo izay mifanena
sy olon-tsendra anao.
Na fantatra na tsia, tia na mankahala
Sakaiza, mpiara-dia, fahavalo na malala
Tsiky ho an'ny olona izay hitanao rehetra
Akama vaovao, olom-patatra etsetra

prosper15 (24/11/2016 09:00:58)

efa nomeko a!

Hametraka hevitra

Midira aloha