You are here: home > Vetso

HERI-PO MANGINA - Zay LAFATRA



Tsy resy aho akory,
fa mangina tsy miteny.
Ka ny fitiavanao esory,
Fa mamitaka ombieny.

Heri-po mangina ny ahy,
fa tsy midika hoe resy,
ka hanaovanao sahisahy,
ka hibedibedy olon-kendry!

Ny ahy anie heri-po mangiana,
mbola miandry fandresena,
sy hahanan'olo-tiana,
ary hikatsaka harena.

Sady ahoanao inonona moa?
izay zavatra miafina ,
kobonon'ity foko,
na mora io na sarotra,
na faly na toloko?

Heri-po ny ahy,
ka hangina tsy hihanto,
ho gina lava reny,
anefa manolotra ny kanto,
ho anao irery ombieny.

Heri-po tokoa ny ahy,
ka hangina tsy hilaza,
izay zavatra ao anaty,
na hakahia ahy aza!
ka haharofy hahafaty!

Dia aleoko mangina hatrany,
fa izay no fahendrena,
amin'ny fiainana eto an-tany,
izay tia manendry tena.

Heri-po ny ahy ry sakaiza,
ary tsy diso tafahoatra.
fa tsy haiko hoe lasa aiza?
Ilay fitia tapitr'ohatra.

Ka hangina lalan-dava,
ilay fo pitomany,(anao)
toy ny zaza mena vava,
mitomany vato mamy.

26/08/17

Zay_LAFATRA

Hametraka hevitra

Midira aloha