DISO FANANTENA - Aina Nirina

Azo vakiana?

DISO FANANTENA

Ny foko nanantena ny ho eo anilanao :
Nangasihasy teto fa tsy tonga akory ianao,
Kanefa raha ny nofy efa voafaritra,
Ny ho fiarahantsika dia tena hahafinaritra…

Eny an-drova eny no hiaraka hitosy,
Dia hiara-haka sary sy hifandrotsirotsy,
Avy eo hifampitarika eny anivon’ny natiora,
Any anaty ala any no hiaraka hidola…

Avy eo dia hisononoka eny ambony fiara,
Hitety an’Iarivo sy hiara-hisary adala,
Hisangy, hifampîtsiky, sady hifanolotra
Ny kanto sy ny mamy avy eny i-molotra…

Rehefa leon’ny setroka, ny arabe, ny trano…
Dia hitsangatsangana eny amoron-drano,
Hifoka rivotra madio sy hifanolotra fitia,
Eo ambony tora-pasika no hamarana ny dia…

Izany rehetra izany dia tena nofy mamy,
Oviana no ho TO, sa ho nofy ihany ?
Izaho mba nanantena sy tsy tafandry mandry…
Mbola hiandry foana , satria ny TIA MAHANDRY !

AINA NIRINA
(02 aprily 2015 tamin’ny 22 :53)

Mombamomba

Mpanoratra : Aina Nirina

Nampiditra : AinaNirinaPoeta
Daty : 15/04/2015
Mpamangy : 1286
Mankafy : 0

Tononkalo hafa

VAVAK'ILAY TIA
NISY
ANTSOIKO
RAVA TRANO
OROKA
TSY TIANY HONO AHO
DISO VE?
FENO ANAO NY NOFIKO
ILAY ANJELIKELIKO
ANOKA FITIA