ILAY ANJELIKELIKO (Aina Nirina)

Mbola tsisy niantsa

Hangataka antsa
(Nalaina tao amin'ny vetso.serasera.org)
ILAY ANJELIKELIKO

Aza mba manahy na dia kely akory,
Fa efa ianao no tiako.
Na inona mitranga na zava-mampahory,
Ianao no fifaliako.

Na lavitra aza ianao dia toy ny eo anilako
Ny tenanao tontolo.
Ny saiko sy ny tenako ary ny hirahirako :
Aminao daholo.

Rehefa eo ianao izay no hasambarako
Sy anton’ny fisiako.
Ianao ilay mpandrindra, mpanitsy koa ny lalako :
Ianao no efa tiako.

Ka aza adino akia fa tena ianao ihany
No ‘lay anjelikeliko,
“Ianao no hany tiako ho ravaky ny akany”
Izay no tsianjeriko.

AINA NIRINA
( 29 Aogositra 2005 nampiana ny 2014)
(Boky Sombin’i Aina 1 pejy faha-11)
--------
Rohy:
Sokajy : Fitiavana
1823 0
Hametraka hevitra
Midira aloha
Momba ny tononkalo
Mpanoratra : Aina Nirina
Nampiditra : AinaNirinaPoeta
Daty : 17/03/2015 19:13
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0113