TSY TIANY HONO AHO (Aina Nirina)

Mbola tsisy niantsa

Hangataka antsa
(Nalaina tao amin'ny vetso.serasera.org)
TSY TIANY HONO AHO

« Tsy tiany, hono, aho… »

Izany teny izany no mba valin-teniny,
Nataony tena henoko fa tsy hoe nafeniny,
Nefa rehefa avy eo dia nifanoho-molotra…
Lazainy hoe notereko fa tsy mba natolotra…

Ny tanany nisafo ka nahazoako fy
Hoe tsy fanahy iniany na noho ny fony tia,
Fa nikorisa ho azy noho ny aingan’ny fanahy :
Kanefa tena tiako sy nahafinaritra ahy…

Tsy tana koa ny tanako fa mba namihina azy,
Nikorisa mora tsy nisy mpanasazy :
Nanolotra fitiavana sy sombin’(h)afanana
Ka nahazo tsirony : tsy ela dia tamana…

Kinanjo tsy nampoiziko : nesoriny ny tanako,
Ny molotro nialany ka gina ilay fitiavako,
« Tsy tiany, hono, aho » ‘zay ‘ndray ny ambetin-teniny,
Ny zava-bita teo aza, hono, tena neniny…

Fa « tsy tiany, hono, aho e !... »

AINA NIRINA
(09 marsa 2015 tamin’ny 20 :02)
--------
Rohy:
Sokajy : Fitiavana
2233 3
Hevitra mandeha
andry 1000 ( 03/04/2015 05:17)
hihihi!!
mety rehefa anilany de tsy tiany ianao
fa raha lavitra azy de indro fa mitady ilay fitiavanao

mahafinaritra e! tsara be..
voatsinampy ( 23/11/2016 11:50)
REHEFA NANDINIKA NY TONONKALONAO MAROMARO NY TENAKO DIA TSY DISO IANAO NAMETRAKA TAO ANATIN'NY ANARANAO HOE POETA FA IZANY TOKOA IANAO.. MANKASITRAKA
Hametraka hevitra
Midira aloha
Momba ny tononkalo
Mpanoratra : Aina Nirina
Nampiditra : AinaNirinaPoeta
Daty : 01/04/2015 20:30
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0113