mainty (ANDRIANIAINA Fidelis)

mainty

satria ve mainty ianao!
dia voarara isika
mba tsy hifankatia

ambara tsotra izao
fa mafy loha maditra
raha toa ka miara-dia

nefa anie rahavako
ny eo anilanao
no nosafidin'ny foko

ary 'lay fitiavako
niantefa taminao
tsy nifidy loko

hafahafa ihany
fa sahany raràna
ilay fitiavantsika

ny zavatra mba hany
tsy azony fafàna
dia ny hasambarantsika

renaldi
2004
--------