MATOKY ANAO AHO RY JESOA! (ANDRINIAINA1)

Mbola tsisy niantsa

Hangataka antsa
(Nalaina tao amin'ny vetso.serasera.org)
Matoky anao aho ry Jesoa!

Matoky anao aho ry Jesoa;
Tompo mpanome ny soa.
Satria ianao no nilaza:
"Fa hanome anay zay sahaza!"

Matoky anao aho ry Jesoa;
Tompo tsy manam-paharoa.
Satria ianao no niteny:
"Fa tsy hamela anay ho irery!"

Matoky anao aho ry Jesoa;
Tompo mahery tsy toha.
Satria ianao no nanambara:
"Fa hanome anay ny tsara!"

Matoky anao aho ry Jesoa;
Matoky anao tokoa.
Amin'ny zavatra rehetra,
Amin'ny andro tsisy fetra.

Matoky anao ry Jesoa;
Ary mino anao tokoa.
F'ianao irery no mpamonjy ahy:
Amin'ireo fakam-panahy.

Matoky anao aho ry Jesoa;
Ary manantena ihany koa.
Fa miaraka aminay ianao:
Amin'zay rehetra atao.

Matoky anao aho ry Jesoa;
Ary tia anao ihany koa.
Satria ianao efa tia anay:
Hatrizay, hatrizao ary mandrakizay.

ANDRINIAINA1.
--------
Rohy:
Sokajy : finoana - Vavaka
2407 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0107