Ny ao am-poko (Andrin'ny Avo)

Nantsain'i
(Nalaina tao amin'ny vetso.serasera.org)
Ny rako miboika miantsoantso injao
midoboka amponga ny an-tratrako ao,
mively kibay, mandondona tsy lao,
marary ny foko fa manina anao,


Ny eritreritro niery ka lasa nankany,
nitety ny onja namaky ny tany,
namonjy ilay tiako mimandry any ho any,
nizaha ny sisa zay mbola tsy lany,


fa ory ny lanitro nivarin-ko mara,
nanakotsa ny lambako ambony farafara,
mainty androany ny pejin-tantara,
ka tolory gaoma aho mba hangarahara,

hiseho ny am-po hiravaka mena,
fa ao 'lay fitia niaraha nekena,
dia hitia anao na ho maina na lena,
ka tsy hiato aho ry tiako, fa mbola hanantena.


30/08/11
--------
Rohy:
Sokajy : Fitiavana
3097 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0102