ANY AMINAO NY ERITRERITRO - ANDRIAMASIMANANA Andry

lasam-binany ny saiko mankany,
manidina lavitra tsy ety an-tany,
toa varimbariana, sy zary sondriana,
maniry mafy ho akaikin'ny tiana,

izy any ve ? mba misento koa,
mety mahatsiaro sy manina am-po,
fa zavatra iray no tanjona irina,
mizara fitiavana akaikiny tiana,

enga anie, mba ho tafatambatra,
eny amin'ny rivotry ny habakabaka,
ny fo  roa hifaningotr'iray,
ka tsy hisaraka mandrakizay,

izany lehiretsy no mba faniriana,
fa maha-te... ho tia... ilay tiana sy tiana,
fa manamaivana ny enta-mavesatra,
ny fatoran'ny gadra manjary malefaka.

(ANDRIAMASIMANANA ANDRY (22/09/2016) fb andriamasimanana andry groupe : sombin-tantara sy tononkalo)

Mombamomba

Mpanoratra : ANDRIAMASIMANANA Andry

Nampiditra : andry 1000
Daty : 22/09/2016
Mpamangy : 1671
Mankafy : 0

Tononkalo hafa

OMBY SY RALAY
HANDAO ANAO AHO VETIVETY.
TOAKA SY NY FITIAVANA
VONINKAZO DIA SA VONINKAZO ADALA?
ILAY BOKY MAHAGAGA
I KETAKA SY RALAY ("AVENTURE") TOHINY
I KETAKA SY RALAY ("AVENTURE")
NIOVA NY FIAINAKO
FIKAFIKANY BE PÔLITIKA
TARAIKY ALINA TARA "BUS"