MIEZAHA AMIN'NY HERIN'NY TENA - Rasamindrakotroka Andry Tiana

Azo vakiana?

MIEZAHA AMIN'NY HERIN'NY TENA

Raha dinihina ny andro rehetra niainana,
Na ny efa lasa io, na koa ny ankehitriny,
Dia tena lasa lavitra tokoa ny fisainana,
Raha  nahatsiaro  ny hatramin'ny fahiny.

Raha  tonga  ny andro  ilàna  fanampiana ;
Ny akaiky mety tsy ho rototra amin’izany,
Sahiran-dava,  be ny zava-nahasondriana,
Sy nahavariana  amin'ny fiainana an-tany.

Nisy  tamin'ireo  olona  nilaza ho  namana,
Nampitandrina fa be hono ny loza mitatao ;
Toe-tsaina toa ny an'ireo ory hava-manana,
Tsy te-hivaky loha, ka akory re ny ho atao.

Ka iza ary hono  no hantsoina  mba hijery,
Sy ho  tan-tsoroka  hanampy  raha izany ;
Ny  tena  ihany  io,  miezàha   samy  irery,
Fa tsy  lany andro  mitairaina,  mitomany.

Ny lesona  azo tsoahina  raha araka izany ;
Raha te-hahomby amin’izay rehetra hatao,
Ny tsy miankina afa-tsy amin’ny tena ihany,
Sao lany andro miandry an’i Paoly eo ianao.

RASAMINDRAKOTROKA Andry Tiana
13 May 2020

Hevitra mandeha

Mambinina (10/06/2020 01:20:43)

mampahery tokoa izy izany!!!

sarindraravaloson (18/06/2020 08:10:19)

marina tokoa izany

Hametraka hevitra

Midira aloha

Mombamomba

Mpanoratra : Rasamindrakotroka Andry Tiana

Nampiditra : s19andry5851
Daty : 07/06/2020
Mpamangy : 423
Mankafy : 7

Tononkalo hafa

EMBONA AN’I DADA
TSIARO AN'I NENY
ILAY MBA FAHAIZANA KELY
ANDROM-PAHANTERANA
NY RAY SY NY RENY
HIHIRA AHO HO ANAO
NY FIAINANA FANETREN-TENA
NY FIAINANA ETO AN-TANY
NY ASA FAMPIANARANA
AZA MANDORO TANINDRAZANA