RAY SY RENY (Rasamindrakotroka Andry Tiana)

Nantsain'i s19andry5851
(Nalaina tao amin'ny vetso.serasera.org)
Ireo Ray sy Reny izay nikolo,
Nandritra ny fotoana maro.
Nanomboka tany ambohoka,
Nandia ny andro fahazazana,
Nandalo ny fahatanorana,
Mbola mety hitohy hatrany.

Tena niezaka, nifohafoha volo,
Marain-tsy hariva an-tagnamaro;
Na nitsangana io, na nihohoka,
Niasa foana tsy nety tana;
Hatreny an-tsaha sy an-tanàna,
Raha mbola tany koa ny tany.

Ireo Ray sy Reny izay nihafy,
Nanao ho misy ny tsy misy,
Mba hahatafita ireo taranany.
Nisambotra ny ho enti-manana,
Amin'ny vaninandro mahaory,
Nisesisesy, nitambatambatra.

Ka ho anareo zanany, ireo zafy,
Ezaho ary ataovy mba hisy,
Hanampiana ny sisa mba ananany;
Hilaharany am'ireo efa manana,
Lavitra alahelo ts’sy sorisory,
Hiaina, hiadana ary ho sambatra.

RASAMINDRAKOTROKA Andry Tiana
17 Janoary 2020
--------
Rohy:
1173 8
Hevitra mandeha
s19andry5851 ( 25/03/2023 04:29)
AZA HADINO NY MANINDRY ILAY FO EO AMBONY IO MANAMARIKA NY FANDALOVANAO.
MANKASITRAKA TOMPOKO, SAMY HO TAHIAN'NY TOMPO HATRANY ISIKA !
Professeur Andry RASAMINDRAKOTROKA
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.011