Alin'nofy ! (Antsa tononkalo.R)

Nantsain'i antsatononkalo
(Nalaina tao amin'ny vetso.serasera.org)
Alin'nofy,

Misoko moramora ny torimason'alina
manoroka ahy mangina anatin'ny hari-tory
mandifotra impito anaty nofy lalina
hihaonako aminao ka tsy tohitro akory !

Fa ny nofy misy anao dia velona sy miaina,
mody toy ny atoandro,ny ali-maizim-bolana
Ary ny andro tsisy anao, maizina maraina,
Tsy ahita-mitsinjo ny mitatao vovonana.

Ny masoko mijery, mihiratra fa jamba,
Sasatra mandalina tontolo zava-poana !
na manga tanora ,iny lanitra iny angamba ?
mitovy tsisy valaka amin'ny alina fisaona.

Fa ny masoko mikimpy, no mahita anao kokoa,
anatin'ny alim-potsy ny endrikao mazava ;
ary ny androko rehetra dia alina avokoa !
raha tsy mahita anao, hazin-tsy misava.

Mihalefy moramora, ny torimaso lalina
ny hetaheta-poko tsy vita ho tantaraina
mandositra ahy, ianao anaty sasakalina !
Mihamaizina ny eto,kanefa hadiva haraina.

Antsa Tononkalo.R 26/11/17
--------
Rohy:
1184 5
Hevitra mandeha
hery ( 03/06/2023 15:57)
Ianao ihany moa no niantsa an'ity?
antsa tononkalo.R ( 25/07/2023 06:18)
Eny tompoko, izaho indrindra
hery ( 25/07/2023 07:12)
Azonao atao koa ve ny sasany?
Hametraka hevitra
Midira aloha
Momba ny tononkalo
Mpanoratra : Antsa tononkalo.R
Nampiditra : antsa tononkalo.R
Daty : 03/12/2017 20:10
Antsantononkalo
Nantsain'i antsatononkalo
© Eugene Heriniaina - serasera.org 1999 - 2024 - page load 0.0108