Eisy e! Ry lala! - Antsa tononkalo.R

Eisy e! ry lala!

Namakivaky ny tantarantsika aho,
rahavako,
dia novakivakian'ny embona
ny foko izay vontom-panala,
ka nitsonika toa patrakala. . .
tandrifin-drahona hoe! -Ny fitiavako,
ary izany angamba ry lala,
ilay rano namonto ny tavako !

Namisavisa ny lasa aho,
re  havako,
dia ny saiko no lasa madisa
hikarenjen'ny sento misoko,
nahapetsa ny lapan'ny foko,
Ririnina angaha? -Ny fitiavako,
ary izany  no tena hinoako
fa rano nomonto ny tavako !

raha nisaina ny andro lohatoana aho,
ry havako,
dia ny taona sy andro efa lany
ny eritreritro tia mitanisa,
ny antsika zary embona sisa !
fahavaratra izao: -Ny fitiavako,
njary nenin'ny foko namisa,
Tonga rano namonto ny tavako !

Antsa Tononkalo.R  poésie encienne

Mombamomba

Mpanoratra : Antsa tononkalo.R

Nampiditra : antsa tononkalo.R
Daty : 09/05/2021
Mpamangy : 457
Mankafy : 0

Tononkalo hafa

Malala Fahizay
Amoron-takariva
"Mpamaliha"
TONONKALO, anefa hira
Hianao no tononkirako
"Mialohan'ny zavatra rehe
"Oram-panala"
TIAKO HITOETRA
Teny,
Ny Antsaly