Embon'ny fo, - Antsa tononkalo.R

Antsan'ny Ntaolo
Eo amin'ny takariva mampanembona

I
Ny senton'ny foko mahatsiaro,
misento ilay saraka an-taho
mahatsiaro an'ilay efa ringitra
ny senton'ny foko milaro,
mahita an'ilay ¹mitalaho :
Manembona mafy an'Andringitra !

II
Ny senton'ny foko mimalo,
misento an'ilay ²zana-drano
Voageja ka tsy afa-manoatra
Mimalo sy manganohano,
mitsetra *ilay tsy afa-mikalo :
Manembona mafy an'Alaotra

III
Misento ny fo mitoreo,
misento an'ireo *nody tany
Izay lasa... Tsy hiverina intsony?
Ô! Mitoreo izany foko... Tomany!
Manembona mafy ilay ³lasana teo,
Mahatazana ny ⁴bonga irony...

IIII
Misento ny fo sara-tiana,
sara-tiana sy manina irery
misento tsy manan-ko antsoina !
Ry senton'ny foko, ô! Mangina !
Mangina fa sao lahy ho very,
raha alahelo no atao be iriana...
Meteza! Ka 'ndeha mionòna.


Antsa Rasahobiarinjaka na
Antsa Tononkalo.R  05/2019

I) ¹Ankaratra
II) ²Tsiriry vorona, *ilay zana-drano

III) *ireo efa maty, ³ireo nody tany
⁴toerana misy an'ireo efa maty

•Tononkalo mingadona, manara-drafitra.
•Ahitana "figure de style" samy hafa.
• Tara-kevitra : Alahelo sy Embona.

Hametraka hevitra

Midira aloha

Mombamomba

Mpanoratra : Antsa tononkalo.R

Nampiditra : antsa tononkalo.R
Daty : 02/05/2019
Mpamangy : 642
Mankafy : 0

Tononkalo hafa

TONONKALO, anefa hira
Hianao no tononkirako
"Mialohan'ny zavatra rehe
"Oram-panala"
TIAKO HITOETRA
Teny,
Ny Antsaly
Antampovinany !
Ny jiroko, lany?
"AO AM-PON'NY MAHALALA"