"Oram-panala" - Antsa tononkalo.R

Azo vakiana?

"Oram-mpanala",

Izany hatsiaka izany, dia ririnina ato am-poko ;
Ary iny fafin'erika iny, dia ny foko mitomany . . .
Raha manomboka mahangoly ny fanala izay misoko
ka mahakotsan'alahelo ny erikerika amin'ny tany !

Inona ary izany? -izato foko merik'andro?
-ranomaso te hijohy noho ny hanina malala;
Ny ririnina mangitsy izay nilaozana masoandro,
dia tsy inona tsy akory, fa ny foko ihany lala.

Ny ririnina mahangoly izay nindaosin-kafanàna
sy ny erikerik'andro, ranomaso te hijohy . . .
'zany  rehetra² izany, embonembona tsy tana,
Tao anaty foko kely, izay nilaozana re, *Roy !

Raha manomboka mahangoly ny fanala izay misoko
Ka mahakotsa ny alahelo, ny erikerika amin'ny tany . . .
Izany hatsiaka izany, dia ririnina ato am-poko,
Ary iny fafin'erika iny? -dia ny foko mitomany !

Antsa Tononkalo.R (A.T.R) Volana Jolay 2020.02:02       in. *Hianao no mahalala"

"Ny atao hoe poezia dia fanehona, fitantarana zavatra iray na fihetseham-po iray, miavaka amin'ny andavan'andro(de façons poétique), amin'ny alalan'ny teny"

Mombamomba

Mpanoratra : Antsa tononkalo.R

Nampiditra : antsa tononkalo.R
Daty : 26/09/2020
Mpamangy : 352
Mankafy : 0

Tononkalo hafa

Malala Fahizay
Eisy e! Ry lala!
Amoron-takariva
"Mpamaliha"
TONONKALO, anefa hira
Hianao no tononkirako
"Mialohan'ny zavatra rehe
TIAKO HITOETRA
Teny,
Ny Antsaly