Teny, - Antsa tononkalo.R

Azo vakiana?

Ho an'i Vetso Mpamaliha

Teny. . .

Avelao re hamindra malako,
ny harivako manjeninjeny !
Fa ny jiron'ny fanantenako
dia kintana kely eny ho eny . . .

Dia kintana kely eny ho eny,
ny afon'ny foko tsy maty ;
Tsy maty fa mbola miteny,
mikalo mangina ao anaty . . .

Ao antin'ny haizina ngaly,
ny hirako sisa manako !
Ny hira nafafiko omaly
fanilon'ny lalan-kombako . . .

Hombako mankany, mankeny
avy eny amin'izay niandohako,
hamafazako voa amin'ny "Teny"
Ny teny izay mbola hiafarako

Hiafarako kanefa lalaiko,
hiposaka taratra avy ao . . .
Ny hirako izay hantenaiko
mbola hitsimoka... Fa Avelao !

Avelao re hamindra malako
ny harivako manjeninjeny !
Fa ho avy ny fahazavako,
ilay maraina nafafiko teny.

Antsa Tononkalo.R 27 volana May   in "Hianao no mahala"

Mombamomba

Mpanoratra : Antsa tononkalo.R

Nampiditra : antsa tononkalo.R
Daty : 03/07/2020
Mpamangy : 454
Mankafy : 0

Tononkalo hafa

Malala Fahizay
Eisy e! Ry lala!
Amoron-takariva
"Mpamaliha"
TONONKALO, anefa hira
Hianao no tononkirako
"Mialohan'ny zavatra rehe
"Oram-panala"
TIAKO HITOETRA
Ny Antsaly