Ny fitia - arcane

Azo vakiana?

Ny fitia

Ny Fitia ? famaritana tsy voafandrika an-tsary
An'eritreritra satria tsy natao ho fantatra
Norefesiko tamin'ny filahatry ny kintana ary
Nantsoiko hoe vintana, nanjary ankamantatra

Ho an'ireo olon-drery sy ireo olom-dresy mitady
Hatrany tara-pahazavana toa efa fantany sahady
Fa tsy natao ho azy : fefena, elanelanan'hady
Hamerana ny kisendrasendra tsy hitondra any.

Ny Fitia ? Tselatra voafintin'ny maso mifampijery
Mampitsiky vetivety ny lanitra saingy avy hatrany
Dia atelin'ny haizina ho fanantenana very
Satria latsa-baratra natokana ho an'olon-drery.

Nampitahaiko tamin'ny taratry ny volana mangina
Nampidoboka ny foko irery tao anaty tomany,
Dia nanjary tsy tafarina; nofy tsy azao takarina
Satriko tsy nobanjinina, nefa indray aleoko ihany...

Hevitra mandeha

arcane (02/11/2003 22:46:23)

Satria ity no soratro vaolohany eto dia aleo aloha ny taloha no aroso.
arcane

Mombamomba

Mpanoratra : arcane

Nampiditra : arcane
Daty : 02/11/2003
Mpamangy : 5909
Mankafy : 1

Tononkalo hafa

Ho an'i malalako
Eritreritra
Kilalaon-teny
Raha...
Miandry
Hisy
Maso mifanojo