Radoka (Auguste Rajon)

Nantsain'i
(Nalaina tao amin'ny vetso.serasera.org)
Niainga izany Radoka
Mba hiditra an-tranom-botika,
Nifoka, nigoka, niloka,
Tsy ela dia indro nihiaka !

Nivoaka dia iny nitraingy,
Nanao famindran'ny gatry,
Nirada fa olona gaigy,
Nivena, nidola tsy satry.

Ny lamba tsy zakany intsony,
Ny hetra nifafa ny tany ;
Ny vavany maimbo rongony,
Ny ompa manaraka ihany.

Ny akanjo miravaka loto,
Ny satroka menan'ny tany :
Kilasy ambanin'ny boto,
Kanefa mibohy aok'izany !


Fampitaha, 27 feb. 1958
--------
Rohy:
Sokajy : Ny toaka
1460 3
Hametraka hevitra
Midira aloha
Momba ny tononkalo
Mpanoratra : Auguste Rajon
Nampiditra : jantina
Daty : 09/08/2019 15:21
Antsantononkalo
Nantsain'i
Tononkalo hafa
© Eugene Heriniaina - serasera.org 1999 - 2024 - page load 0.0113