Angano ... Arira ... (Bana Rahalahy)

Nantsain'i
(Nalaina tao amin'ny vetso.serasera.org)
Angano angano, arira arira
Tsy izaho no mpandainga fa ny tany aloha.

Misaotra dia misaotra anareo Razambe
Misaotra dia misaotra anareo nanome
Angano, Kabary, Hainteny, Hira
Ohabolana, Ankamantatra mahavariana ! ! !
Misaotra anareo tany aloha
Namela ho anay LOVASOA ...

Angano angano, arira arira
Tsy izaho no mpandainga fa ny tany aloha.

Na kilonga na lehibe
Samy tonga fa te handre
Tsara ...

Vory ny vahoaka hifampizara
Ireo anganon'i Gasikara
Tsara ...

Faramalemy, Kotobekibo
Kotofetsy sy Mahakà
Trimobe sy Sohitika
Iboniamasoboniamanoro
Rapeto sy Rasoalao
Imbahitrila Silakolona Ibotity ...
Na koa angano vaovao
Anao rahavana ny safidy

Zava-maro no tantaraina
Atsipy ao an-dohan'ny manan-tsaina
Tsara ...

'Reo anganon'i Gasikara
Atolotra ny dimby sy fara
Tsara ...

Bana Rahalahy Jona 2006
--------
Rohy:
5251 0
Hametraka hevitra
Midira aloha
Momba ny tononkalo
Mpanoratra : Bana Rahalahy
Nampiditra : JMR
Daty : 11/08/2006 11:17
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0097