Ilaiko izany ! (cowboy)

nalaina tao amin'ny www.malagasy.ht.st

Raha tolotolotra sy fanomezana
Na vanitika sy fihomehezana
Indrindra ka tambitamby sy teny mamy
Ekeko daholo fa tena ilaiko izany

Ny orokoroka sy safosafo
Sa zava-pisotro sy sakafo
Tsy dia fampitaha ihany
Nefa dia ilaiko izany

Dia fahaizana sy fahendrena
Sa ho vola aman-karena
Raha tena hisafidy ihany
Dia samy ilaiko izany

Ary ny embonembona an-gitara
Sy vetsovetso am-parara
No hirahira hatrany
Satria tena ilaiko izany

Fa ny fifandraisana sy ny serasera
Dia zavatra tsy haiko havela
Tsy taratasy sy telefaonina na internet ihany
Fa tambo, ilaiko daholo izany

Nefa tsy misy dikany avokoa ireo
Raha tsy ao amiko intsony ilay feo
Manambara amiko, manatitrantitra
Fa ilaiko ianao, ilaiko Andriamanitra.

CoWBoY___
18.12.2003
--------