ENY AMBONY - DadaRabe

Azo vakiana?

ENY AMBONY

Ny masonao nijery ahy
No nandrehitra ny foko ho afobe mijoalajoala,
Nientanentana fanahy
Toy ny vanton-jaza iny aho, angamba tena lasa adala !

Ny feonao mandangolango,
Nampangotraka ny rako, hihazakazaka aok’izany,
Zary toy ny rapa-dango
Ny fiteliko ireo teny atosakao...mihamamy hatrany !

Ny endrikao misaridriaka
No masoandro manazava ny ao anatiko tontolo,
Toy ny vola-manjopiaka,
Ka ny fiainako rehetra toa voataratrao daholo.

“Tiako ianao”, hoy ianao,
Teo no naharendrika ahy...very tany ankoatra tany,
Asidim-pifaliana aho...
K’angamba hijanon’eny ambony, tsy hiverina eto an-tany !

DadaRabe
La Charité
06/05/06      12:37

Hevitra mandeha

ravakarama (02/10/2006 17:40:15)

Tsara dia tsara ny tononkalonao Tompoko,satry foana hamaky azy,teny malagasy mavesa-danja,mifono hevitra mavesa-danja,ary mifanaraka tanteraka amin'ny zava-misy hiainana ao amin'ny sehatry ny fitiavana....

dadarabe (05/08/2009 00:38:42)

Ravakarama > Misaotra é!

Mombamomba

Mpanoratra : DadaRabe

Nampiditra : DadaRabe
Daty : 30/09/2006
Mpamangy : 2158
Mankafy : 2

Tononkalo hafa

Ny tanimbarikeliko
AZA KAROHINAO !
NY NOFINOFINAO
Blaogin’i DadaRabe
IZY INDRAY ANTSOINA !
ILAY AMPITSO
Hatramin'ny nahalalako anao
Efa fantatrao
Ataoko toy ny hoe...
Izy angamba any...