Ny ampitso (David Andrianalaina)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ny ampitso


Tsy anio ihany fa mbola hisy
Ny ampitson'ity fahakiviana
Eny, ity fiainana tsy mitsitsy
Mitraka raha misy fahalavoana

Ranomaso no handroana
Vain'afo no nitsahana
Rano mahery nidobohana
Niandrandra fanafahana

Sio-drivotra nanosika
Fahakiviana no namely
Tsy nitsahatra nitraka
Miezaka ny hahery

Na maraina ny alina
Toa mitovy ihany ny aty
Isa-minitra sento lalina
Fa fanantenana tsy ho faty

Manantena ianao ry ampitso
Manantena anao ry Nahary
Hampiova alahelo ho vetso
Amin'ity feriko marary

Hitanondrika nefa tsy hampisava
Ireo haizin-kitroka ilalako
Manantena ny ampitso hanazava
Ireto alin'ny maraina miha halako



David Andrianalaina
11 octobre 2021
--------
Rohy:
Sokajy : Ahiahy - Alahelo
580 1
Hametraka hevitra
Midira aloha
Momba ny tononkalo
Mpanoratra : David Andrianalaina
Nampiditra : David John Lee Andrianalaina
Daty : 11/10/2021 03:56
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0097