Iny alina iny Alina miso (David John Lee Andrianalaina)

Iny alina iny

Alina misompatra
Nandratra ny fo
Tsisy nanohitra
Ilay fitia efa lo

Nahoana ianao
Niverina indray
Namerina ny lasa
Izay vita hatrizay

Iny tavanao iny
Ry Tiako malala
Mampatsiahy ny fahiny
Mahalasa adala

Tonga indray ity alina
Hamely ny foko torotoro
Izay tsy laitra anarina
Fa fitia mandoro


Lee Andrianalaina
18jona 2021
--------