KAMBOTY TAIZAN-DALAGNA (Djio Z'art)

Mbola tsisy niantsa

Hangataka antsa
(Nalaina tao amin'ny vetso.serasera.org)
KAMBOTY TAIZAN-DALAGNA
Tsy bodofotsy hirakofagna,
tsy afo hely hamindroagna
tsy tragno mba hialofagna,
hangalagna hafanagna arô dia tsisy, mafy raha mahazo.

Sazin-Jagnahary
sa efa hozogna mipetraka
firakotra tsizarizary,
rirignina tanteraka... mangirifiry, matin'ny hatsiaka.

midaboroko mipetraka
egny amoron-dalagna
nefa ny aligna ny lalagna
feno ratsy mitsikalagna... mampalahelo, fa tsy maintsy hiaignana

kamboty taizan-dalagna
manita-tsaigna tsy fidiny
Ölo be mialangalagna
ka zaza mizaka ny ngidiny... tsy rariny, ka tongava saigna.

fagniriany isan'andro,
hivavahany mafy
mba tsy hangatsiaka eky ny andro
satria tsisy fitafy mba mafana, tsisy vôla hivangagna

ndraikindraiky mba misy
olombelogna mahatsiaro
magnome fagnampiagna
vitsivitsy maromaro... ka hisaorana, ho tahin-Jagnahary

Enga anie mba ho maro
ny hatsapa karan'iregny
ka dia handray antagnana
ireo zaza tsisy mpiahy mirenireny, ka sahiragna...

KAMBOTY TAIZAN-DALAGNA

Nosoratan'i Djio z'art
--------
Rohy:
Sokajy : Alahelo
535 0
Hametraka hevitra
Midira aloha
Momba ny tononkalo
Mpanoratra : Djio Z'art
Nampiditra : bemazava.florentin
Daty : 26/11/2021 01:12
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0093