TSY METY - Doloïer

Azo vakiana?

TSY METY

Rarako tsy hijery anao intsony ny masoko
Kanefa tsy mety fa mangala-pijery
Akimpiko mafy, dia hifafa ny lasako
Hay, tsy voafafako akory, fa mody miery...!

Tampenako tsy handre anao intsony ny sofiko
Kanefa tsy mitsaha-mitongilana
Zary manaitra ahy, any antsahan'ny nofiko
Hay, ny lasantsika iny tsy azoko hiodivirana..?

Notereko tsy hitem-po aminao intsony ny foko
Kanefa tsy mety, fa Indre mitroatra
hay, mbola mankamamy anao antsokosoko.
Namadika pejy, fa  ny boky tsy nisoatra (soloana)

Tsy mety... Tsy mety.
Fa mbola mankamamy ny sombisombiny sisa tsy lany
tamin'ny fitiavany Ianao ..Izy.

Doloïer
09/04/2018

Mombamomba

Mpanoratra : Doloïer

Nampiditra : doloier
Daty : 09/05/2018
Mpamangy : 836
Mankafy : 0

Tononkalo hafa

TSIMANDRIMANDRY
MPANJONO ANDRANOMASINA
AZA AVELANAO..
"Tononkalo Betsimisaraka " VOLANGA AMIN'AZY ZANAKO
MITANDREMA POETA
NOHO IANAO
TAO ANATY SORATRAO
*FETRAN'NY FAHARETANA*
****OMEKO ANAO NY VOLANA
TE HAMANGY ANAO NY PENIKO