ARAHABA - Fredy Jaofera

Azo vakiana?

ARAHABA




Arahaba tratry ny taona
no hafatra atolotro anao
vetivety, na tsy hihaona
fa dera mitondra vaovao.


Arahaba tratry ny taona
ka ny hoe fanambinana
no tiako hirotsaka foana
hiampy irony fidinana.



Arahaba tratry ny taona
ka ny hoe fahombiazana
no tiako mba tsy hivaona
sy moramora hotoazana.



Arahaba tratry ny taona
ka ny hoe hasambarana
no tiako mba hanoloana
sy tsy ho hita mifarana.



Arahaba tratry ny taona
ka izay mbola hafaliana
no tiako, na tsy ahoana,
hitobaka be fitahiana.





Fredy JAOFERA

Mombamomba

Mpanoratra : Fredy Jaofera

Nampiditra : 3004
Daty : 29/12/2009
Mpamangy : 2264
Mankafy : 0

Tononkalo hafa

JIRO
TSY KAMBOTY
MISAOTRA NY MARAINA
LITERATIORAN'NY MASO
REHEFA MAHORY
TSAROAKO FOANA
NY POETY (2)
NY FAHATSORANA
SAFIDIM-PIRENENA
SAKAFON-TSAINA