DIAMONDRA SA VAHINY ? (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
DIAMONDRA SA VAHINY ?



Diamondra ianao kanefa
asa loatra fa dia mirefa
ny fanahy toa nampijafa
ka nataoko ho olon-kafa…
Eny, noraisiko ho vahiny
tsy mba hay ankehitriny.



Diamondra ianao kanefa
tsy mba tiako no mandefa
ny hafaliana tato am-po
sy ny alahelo izay nanjo
raha nesoina marimarina
sy nirina tsy ho tafarina.



Diamondra ianao kanefa
tsy mba tany no niantefa
‘zato foko tsy ampy reny
sy nijaly ombieny ombieny,
fa fay ny vita tsy nampino
ka dia ninia hoe nanadino !



Diamondra ianao kanefa
tsy tsaroako ho nahefa
na tsaroana ho nahasoa
fony nihodina avokoa
‘rony vintana rehetra
nirinay mba hitoetra.



Diamondra ianao kanefa
nahamenatra ahy rehefa…
Nahakivy ahy tanteraka
fony tsapa reradreraka
ny saina izay kamboty
nitatatata hoe : Avoty !





Fredy JAOFERA
--------
Rohy:
Sokajy : Alahelo - Ahiahy
1045 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 13/03/2009 22:29
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0106