HARIVARIVA ATY ANDAFY (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
HARIVARIVA ATY ANDAFY





Harivariva aty andafy,
manembonembona any ;
alahelo no inty manafy
ny orako ho be tomany.




Harivariva aty andafy
ka manimanina eto izao ;
rivodrivotra inty mifafy,
sentosento tsy mandao !




Harivariva aty andafy
ka irery toa mpivahiny ;
ao tokoa ny nampihafy
tadidy lava ankehitriny.




Harivariva aty andafy
ka mivazo ny niaviana
ao anaty hatsiaka mafy
no farany re tsindriana.




Fredy JAOFERA



.
--------
Rohy:
437 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 06/12/2021 01:19
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0112