You are here: home > Vetso

ISAKY (2) - Fredy Jaofera

Azo vakiana?




ISAKY





Isaky ny nisy ady mafy nanatrehako ny fiainana,
tsy teo akory ianao
nanampy hitari-dalana sy mba azo nitarainana
fa naneso, nankalao !




Isaky ny nisy zava-tsarotra nilako vahaolana,
tsy reko akory ianao
fa nitsinjaka aza, na tsy niteny, tsy nivolana
no tsapa fa natao.




Isaky ny nisy faharesena nitakiako vonjy marina,
tsy avy akory ianao,
fa mainka nanakivy sy nikendry tsy hahatafarina
no fohaziko eto izao.




Isaky ny nisy ranomaso nilatsaka tsy fidiny,
tsy hita akory ianao
nanaiky hizara tamiko ny vesatry ny ngidiny
fa namely sy nandao.




Fredy JAOFERA


Mombamomba

Mpanoratra : Fredy Jaofera


Nampiditra : 3004
Daty : 23/10/2021
Mpamangy : 118
Mankafy : 0

Tononkalo hafa

LASA NY VORONA
HOY
TSY ATAOKO SAKANA
INDRAY ANDRO IZAY
REHEFA MATIN-KAMBO
NY HAZOKO
HALAVIRANA
VERY LANJA
TADIAVINA
REVO