JAFA (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
JAFA



Maninona, ho'aho, izato tany
manjombona sy maizin-dava ?
Rahoviana no tsy hisy tomany
ny midona ka afaka hisava ?



Nahoana no dia tahaka izao
'zato fiainana be manadala ?
Nahoana fa dia tao ho ao
sentosento be mpankahala ?



Nankaiza ireo hoe fifaliana
no voady no sisa lazaina ?
Nahoana no nampijaliana
'ty raozy oriory nangaina ?



Naninona ireo kalontsika,
navadika ho kalo mangidy ?
Rahoviana no hoe hibaliaka
'ty foko mba manan-tsafidy ?




Fredy JAOFERA
--------
Rohy:
Sokajy : Alahelo
816 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 31/07/2008 22:18
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0122