You are here: home > Vetso

LANITR'I GASIKARA - Fredy Jaofera

Azo vakiana?

LANITR'I GASIKARA





Ny Lanitr'i Gasikara
no indro manangasanga
ka falifaly no azo ambara
fa io sahady ilay Mahajanga.



Maika ery ny diako izany
ny ho tody soa eny Ivato
sy hanitsaka indray ny tany
mamiko loatra no tsy niato.



Tsy andry ery ny hifankahita
amin'ireo havana manontolo
fa ela ihany no tany am-pita
ka nahamanina ahy daholo.



Dodona ery ny hihaona indray
amin'ireo sakaiza mba tsy foy
toa nahafinaritra hatramin'izay
sy azo antoka ange re, roy !



Tsy andry ery ny hoe handalo
amin'izay toerana mamy foana,
nahatsiarovana fa nisy kalo
tsy nangina fa mody moana !




Fredy JAOFERA

Hevitra mandeha

Mysento (10/09/2009 10:50:41)

Hafa iany, i Gasikara

Mombamomba

Mpanoratra : Fredy Jaofera


Nampiditra : 3004
Daty : 07/09/2009
Mpamangy : 1051
Mankafy : 1

Tononkalo hafa

TSY FAY
NY FIALONANA
DEMOKRASIA
NY REPOBLIKA
FOTAKA
NY TSARA
ERITRERETO NY LASA
FINOANA NY AVO
NIAINA
ILAY TAKARIVANTSIKA (2)