LASA NY VORONA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
LASA NY VORONALasa ny vorona ka mihenahena
fa tsy nikarakara hatramin'izay ;
izao no mihatra fa tsy nojerena
taona maro raha tsy mifandray.
Lasa ny vorona ka migogogogo
fa azon'ny nenina irery mangina ;
ny volo aza moa zara fa mihogo
mikorontana lava tsy dia niniana.
Lasa ny vorona ka mihanahana
fa tsy nahazo fitiavana marina,
nikopaka teo fa dia tsy tamana,
nisinda tokoa fa tsy te hivarina.
Lasa ny vorona ka miadaladala
fa tsy eo intsony ity nambanina,
ovao ny fiaina fa ny mankahala
manimba ho azy 'reo fitahiana.
Fredy JAOFERA
--------
Rohy:
Sokajy :
ahy - Fiononana - fananarana - Fisarahana - Fiaraha-monina - Fahatsiarovana - Alahelo - Eritreritra mandalo - fiainana - Aingam-panahy
