MANAN-KASINA NY MATY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MANAN-KASINA NY MATYManan-kasina ny maty
ka aoka tsy haratsina
sao ange ianao hitaty
loza maro tsy nirina.
Manan-kasina ny maty,
aoka tsy hamaivanina
fa tsy hevitra poak'aty
matoa ianao entanina.
Manan-kasina ny maty
ka mendrika hohajaina,
tsarovy foana na soraty
fa nampita ery ny aina.
Manan-kasina ny maty,
aza avela hangatsiaka
ka rakofy fa any anaty,
tomany no mandriaka.
Fredy JAOFERA
--------
Rohy:
Sokajy :
Fiononana - Fiaraha-monina - fiainana - fananarana - Fampaherezana - Fahafatesana - Eritreritra mandalo - Aingam-panahy
