NY NOELY (Fredy Jaofera)
(Nalaina tao amin'ny vetso.serasera.org)
NY NOELYNy Noely dia fiarahana
amin'ireo olona tsy foy
vao soa hahazo vahana
ny hasambarana, re roy.
Ny Noely dia hafaliana
hisy haingo ny ririnina,
ho maro ny hamamiana
na ny havana hofihinina.
Ny Noely dia fihaonana
mampitory ny fiadanana,
mbola tokony hitaonana
ny mijaly sy tsy manana.
Ny Noely dia fitiavana
raha injao ankalazaina,
ary andro iray goavana
misy Tompo antenaina.
Fredy JAOFERA
--------
Rohy:
https://vetso.serasera.org/tonokalo/fredy-jaofera/ny-noely
Sokajy :
Fety - Fiderana - Fifaliana - Vavaka - ahy - Eritreritra mandalo - fiainana - Aingam-panahy - Fitiavana
