You are here: home > Vetso

TOY NY FITARATRA - Fredy Jaofera

Azo vakiana?






TOY NY FITARATRA





Ny fiainana toy ny fitaratra
raha itsikiana, miverina aminao,
tadidio etoana rehefa hanakatra
ny marina ery manomboka izao.




Ny fiainana toy ny fitaratra
ra' itomaniana, miverina aminao,
tsy hisy farany 'reo oram-baratra
fa mainka hamonto irony raorao.




Ny fiainana, toy ny fitaratra
raha itiavana, miverina aminao,
na aiza na aiza no handahatra
an'izany ombieny ka ambarao.




Ny fiainana, toy ny fitaratra
raha esoina, miverina aminao,
ho maivana foana ny hiraratra
fa mainka hofosain'ny kalalao.




Fredy JAOFERA







Mombamomba

Mpanoratra : Fredy Jaofera


Nampiditra : 3004
Daty : 20/11/2021
Mpamangy : 118
Mankafy : 0

Tononkalo hafa

NAHOANA NY VARY ?
MAHAVERY
ELA NOTORATORAHANA
MISY
MAHATSARA
HAHITA ANAO
IZY DIA NIHEVITRA
NOELY MATSIRO
ASIO KELY
TAPAKA