TSY TIAKO (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
TSY TIAKO





Tsy tiako ny tsy hahita
azy iny rehefa manina
fa tonga tsy mahavita
'reo asa izay sahanina.




Tsy tiako ny tsy hahazo
vaovao andrasan-dava
rehefa ory tsy mivazo
'ty fotoana tsy misava.




Tsy tiako ny tsy handre
ny momba azy rehetra
rehefa tsy afa-manome
fitoniana izay mitoetra.




Tsy tiako ny tsy hitady
'reo sarinay tsy foiko
rehefa inty mianjady
ny alahelo sy toloko.




Fredy JAOFERA
--------
Rohy:
432 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 08/09/2021 12:40
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0117