TSINDROM-PITIA - Zöky Eric

Azo vakiana?

Tsindrona ity fo
Fa nahita olon-droa
Mifampiondakondana ery ampita ery
Samy miangola miantso hoe "cheri"

Izaho tsy te hijery
Satria izaho irery.
Ka iny aho no lasa namonjy ny ankany
Tsapako nanindrony ny ati-foko izany.

Dia inona ary
Sa hijery sary ?
Hijery sarimihetsika hanalana sorisory
Eo ambony fandriana sady matoritory

Izay no aleo atao
Hataoko dienizao
Ô ry lanitra ô. Fa loza inona ity ?
Fa tantaran'olona tena mpifankatia

Tsy mampite hijery
Satria izaho irery
Verivery saina fa tsy manan'olontiana
Dia tapakevitra ary fa hitady ho kotiana

Tsy dia manan'endrika
Fa ny toetra atao mendrika
Izay no fika tsotra hitako fa mety
Hanova fahoriana hiova lasa fety

Dia lasa aho sakaiza
Nitady anao hatraiza
Ka tojo ahy ianao,izay olona tsy haiko
Nisy hery mafy nanosika ny saiko

Ny hibitsika aminao
Izy ao ampoko ao
Naniry ny hitady aho no sendranao izao
Ka tonga dia lazaiko "Tiako loatra ianao"

page fb: H_Eric

Mombamomba

Mpanoratra : Zöky Eric

Nampiditra : shcwarzeneric
Daty : 10/06/2020
Mpamangy : 598
Mankafy : 0

Tononkalo hafa

NIFOHA INDRAY
HAMONO TENA AHO 2
TSY HAY VONOINA
RAHA MBA IZAHO
ZANAKY NY ALINA
SIPA TAMBANIVOLO
RERAKA NY MITIA
ILAY MPANENDAKA
HAMONO TENA AHO
SIPA TAMBANIVOLO 2