Embona (HASINIONY)

Mbola tsisy niantsa

Hangataka antsa
(Nalaina tao amin'ny vetso.serasera.org)
Indrisy ry embona tsy fantatra
toa atsikafonao etoana
'reo lasa izay niriako fatratra
ho tsara levin'ny fotoana.
Toa dia vatranao sangiana
no sady satrinao hifoha
mba hilambana mangina
ny ankehitriny sy taloha.
Moa vare ho maminao
ny mibanjina ahy torovana
miloloha sy mibao
irony akom-pahatsiarovana.

O! ry lasa izay naheriny
Mangiaka eto ampamoloana
Hanky lalina ny feriny
Moa ho azoko tsaboina?

Miangavy anao mba tsy hisovoka
eny an-dalana hombako
ry embona toa sahy miroboka
eto an’ony izay itako.
--------
Rohy:
Sokajy : embona
1702 0
Hametraka hevitra
Midira aloha
Momba ny tononkalo
Mpanoratra : HASINIONY
Nampiditra : hasiniony
Daty : 27/12/2012 17:21
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101