Ilay any ananonanona any (Hatenaina)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ilay any ananonanona any
Ilay tokako eto an-tany
Ilay any ambadika any ho any
Ilay ato am-poko hatrany hatrany
Iza ary izy raha hainao?
Ambarao raha fantatrao?
Tena tia manompo
Izy anie ka dia mazoto
Falifaly lalandava
Miramiran-tava
Tia mijery lafy tsara
Tena tia mandray anjara
Izy anie ka mahafoy tena
An-tsitra-po fa tsy terena
Vonona ny hiaritra
Sy hiatrika ny sarotra
Izy anie ka tsy mba miala
Na hafanana io na fanala
Na tamin'ny mora na ny sarotra
Dia nankato tsy niady varotra
Tena tia ny fandaminana
Ny sakafo omeny ataony fihinana
Jehovah anie no tena namany
Hilazany izay tantarany
Indraindray izy mba misento
Nefa aloha hatreto
Io izy fa mijoro
Tsy manaiky ho toro
Ary mbola tapa-kevitra
Ny tsy hiova hevitra
Fa hoe ho mandrakizay
Ny fifandraisany amin'ny Ray
Ilay Rainy mantsy dia i Jehovah
Ilay tia azy tsy mba miova
Eo foana izy hampahery
Manara-maso sy mijery
Mahatsapa izay manjo
Sy ireo fery lalina ao am-po
Mihevitra azy ho diamondra
Amin'izao fitia mafonja
Fa Satana raha manao tetika
Hahavy azy hilentika
Dia voafetaka injato
Misesisesy tsy ankiato
Ka moa ve hainao tsara?
Tsy iza akory io fa i ...
--------
Rohy:
Sokajy : Namana
778 1
Hametraka hevitra
Midira aloha
Momba ny tononkalo
Mpanoratra : Hatenaina
Nampiditra : Hatenaina
Daty : 20/09/2018 14:08
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0156