AVERENO NY SARINY - hjravs

Nantsain'i
ikalamako

                        AVERENO NY SARINY

Moa ny fatram-pandrosoana sa ny refin'ny fivoarana
no mampihena, manafohy ny faritry ny fahamenarana?
                       fa raha ny lamba,
                         kosa angamba,
               betsaka azo hivalamparana.

Fahalevonan'ny fanahy sa efa asan'ny satana
f'iretsy firenen-dehibe no nakato ilay lalàna.
                      k'indreo  fa sahy
                        ny samy lahy,
              'ndeha hampiombona filàna.
                      ......................
                  Aleo haverina ny sariny,
                  dia 'lay sary namboariny
                  mba hitovy endrika aminy,
                  fa maty hasina ny taniny
                  ka mendrika ny horinganiny!!

                            hjravs