"TIAKO FOANA IANAO!" (IaroMalala)

Mbola tsisy niantsa

Hangataka antsa
(Nalaina tao amin'ny vetso.serasera.org)
TIAKO FOANA IANAO!

Malala a!,

Na haditra aza ianao
Ka hiakanjo rendrarendra
Sy hiravaka hadalàna...
Tsy hampaninona ahy mihitsy
Raha 'zay 'zany fotsiny ihany
Fa hiaretako Malala a!.

Na ho takarinao aza
Ny habibiana faratampony
Am'zao tontolo izao...
Tsy hampihena ny fitiavako
Na rahoviana, na rahoviana
Latsa-paka anatiko ao!.

Na ho solafaka aza anefa,
Tsy handatsa anao no tiako
Na handrava ny amintsika....
Fa mbola ho tia sy hanaja anao
Am'foko tsisy pentina
Ts'hamela anao hipitrapitra!.

Ka tsy ahoako kely akory
Sady tsy hiasàko saina
'Zay ditranao sy hadalàna....
Ny hiangaviako anao fotsiny?:
"'Lay sila-poko lasanao
no mba asivo fanajàna!".

IaroMalala
"15 May 2013"
--------
Rohy:
3159 0
Hevitra mandeha
eugene ( 17/09/2013 19:21)
TIKO
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0105