Fa ho anao (Ikalamako)

Nantsain'i ikalamako
(Nalaina tao amin'ny vetso.serasera.org)
Fa ho anao,
Ny aingan’ny fanahiko
Miangaly ho tononkalo
Ny foko safononoka
Totofanao fitiavana,
Na misafotofoto
Manahy anao ho lasana.

Fa ho anao,
Ny sosan’eritreritro
Mitady ho tononkira
Hifamihinantsika
Maraina vao mifoha,
Ka mandra-pirariana
Torimaso soa.

Fa ho anao,
Ny dian’ito peniko
Mandrafitra ho andalana
Ny voly any anatiko
Miredaka fitia,
Ilay fonao hany sampiko
Mamefy ahy tsy hania.



26 oktobra 2015
--------
Rohy:
Sokajy : Fitiavana
1939 5
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.01