FETIN’NY TSIAHY - ilery

Azo vakiana?

Maro ny fety, saingy fetin’ny daholobe
Fa ny andro anio kosa, dia fety mamy be;
Tsy fety eran-tany, malaza etsy sy eroa
Fa fetinao ihany, ka miavaka tokoa.

  Nitety zaridaina aho, mba hioty voninkazo
  Saingy ireny ve haharitra? Tsy ho ela dia halazo;
  Ka indro fanomezana, tsaratsara noho izay:
  Fehezan-tononkalo, mitory fetin’ny tsiahy.

    Koa arahaba feno tsiky no atolotro anao
    Ravahin’ny teny mamy fibitsiko aminao;
    Tsiky tsy mba mifono fonosan-kadao
    Fa tsiky mitory fa namako ianao.

  Na izany aza anefa dia mba misy fahatsiarovana
  Ho banjininao rehefa iny injay fa torovana;
  Kely sy bitika fa milaza zava-dalina,
  Hitondra anao hitety ireo nofin’ny alina!

Mombamomba

Mpanoratra : ilery

Nampiditra : ilery7
Daty : 01/07/2009
Mpamangy : 532
Mankafy : 0

Tononkalo hafa

FA MANINONA
FETIN NY TSIAHY
FITIA DONAM-BARATRA
ILAY RAOZY ANY HO ANY
TOVOVAVIN'IARIVO
ANJARA
MALAHELO AZY
FITIA NOFINOFY
NY TSIKINAO
SILAKA FANAHY