'LAY POETA TOA ANAO - ILIMIM JIVISDI

Ry Poeta
              inty aho, mba iraho!
              Mba hitsidika ny vohitr'ireo habakabakao
              Eny an-danitry ny nofin'ny Tontolo vaovao
              R'hefa eny an-tanifoanam-pahasambarana efa lao
              Amin'ny alin'ny raho-mangan'ny masoandro mitatao

Ry Poeta
              inty aho, dieny izao!
              Mba trotroy an-dranom-bavakin'ny hiran-tononkalo
              Raiso ho toy ny zanakao anaty fon'ireo Mpikalo
              Ho zary teboka amam-paingon'iny tsoraka aloalo
              Ao anaty 'lay baraingon'ireo sambany nandalo

Ry Poeta
              inty aho, entonao!
              Ho ao anatin'iny diarin'iny diampeninao
              D'izay momb'ahy manontolo, hatramin'izaho mbola tsy tao
              Eny, mandra-paharitran'ilay rano mainty atao
              F'izaho koa mba te ho tonga ' LAY POETA TOA ANAO !!!


30 SEPT 2015
ILIMIM JIVISDI

Hevitra mandeha

ernest15 (04/01/2016 14:37:19)

tsara 'lay tonokalo an!

ILIMIMJIVISDI (06/01/2016 09:13:42)

Poeta Namana Ernest.. Mankasitraka!!!!

Iarindria (13/02/2016 12:39:22)

"f'izaho koa mba te ho tonga 'LAY POETA TOA ANAO!!!"
.
poeta hoe izaho
"POETA TOA ANAO"
an an namoaka santimà
no mba nandramako natao
fa tsy mba naminany
toa antom-pisianao
fa mba naniry ihany
ny ho "POETA TOA ANAO"

Mombamomba

Mpanoratra : ILIMIM JIVISDI

Nampiditra : ILIMIMJIVISDI
Daty : 01/10/2015
Mpamangy : 1101
Mankafy : 2

Tononkalo hafa

EO IMASONAO
Ianao…
MIHARITRA
FITIA
VOADY MANDRA-MATY
HETRAKETRAKY NY TANY
IANAO NO TIAKO
VAVAKA!
TARAINAN’NY BANDY
ALINA IRAY