RAOLOMBELONA (ILIMIM JIVISDI)

Nantsain'i
(Nalaina tao amin'ny vetso.serasera.org)
RAOLOMBELONA


Nitady harena ianao, tamin’ny fo tokoa
Nandranto fahalalana mba hikatsaka ny soa
Ny tanjonao anefa dia ny hameno ireo banga
Anefa ankehitriny, tsy izany no mitranga

Ny fandrosoana maro izay noheverina ho tsara
Tsy nampoizina hamotika ny zanaka am-para
Hany ka mihalevina ny atao hoe: “Fanhendrena”
Tsy hita taratra eny intsony ny maha Olom-pirenena

Dia ho adinonao va re!? Ireo fomba amampiteny
Noratovina fahiny, tamin’Ikaky sy i Neny
Ireo fomba amampanao, ny toe-panahy fitafy
Olombelona natiora nahay niaina sy nihafy

Tsy diso ianao akory raha mahay mandanjalanja
Hahay hitondra tena mba ho tonga Olomanga
Amin’izany ny rendrarendra ho tsapanao fa zava-poana
Ô RAOLOMBELONA hantenaiko ianao tsy hivaona


[ILIMIM JIVISDI]
--------
Rohy:
1150 2
Hametraka hevitra
Midira aloha
Momba ny tononkalo
Mpanoratra : ILIMIM JIVISDI
Nampiditra : ILIMIMJIVISDI
Daty : 24/11/2014 09:47
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0104