VAVAKA! (ILIMIM JIVISDI)

Mbola tsisy niantsa

Hangataka antsa
(Nalaina tao amin'ny vetso.serasera.org)
Tompo ô!
Aoka re raha azo atao
Aza Ariana fa hiantrao
Ity mpanota mitalaho
Mitady fiainam-baovao
Efa maro ny adalako
Sy ireo vokam-pahotako
Aoka re ny fahazazako
Ho mendrika mba andovako
Eo an-tratranao irery
Arovy re mba tsy ho very
Tompo ô! Ao am-poko re mba misy
Hazavana ho dradraina
Saingy indro fa indrisy
Efa voky ferinaina
Ka tsy afaka manaotra
Fa aminao irery sisa
No anaterako ny dia,
Fa ny lalam-paradisa
Mba omeo ry tompo tia!
Amen!

ILIMIM JIVISDI
--------
Rohy:
878 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0105