You are here: home > Vetso

Asaramanitra - Ivetso

Azo vakiana?

Arahaba tonga soa ianao ry Asaramanitra !
Faly mandray Anao ny rehetra, ambany lanitra.
Mbola mifono misitery nefa maharavo fo,
Mandrosoa ery aloha fa raisinay an-tanan-droa.

Tamin'ny mamatonalina no niandrasanay anao,
Mova tsy ny miandry vohoka, fahaterahana vaovao.
Tsindrian-daona ny rehetra. Olo-maro sesehena
No efa vonona hitsena sady miandry, manantena.

Arahaba tonga soa ianao ry Asaramanitra !
Avy aiza ka ho aiza ? Ny dianao dia tsy hita faritra.
Ny kely hany fantatray dia eto aloha ianao izao.
Tonga hiara-dàlana aminay, ô ry Taona vaovao !

Tamin'ny mamatonalina no niandrasanay anao.
Mitondra inona ianao ? hoy ny vetso anaty ao,
Fa miandra fahavelomana izao àry rehetra izao.
Moa ho taom-panambinana amin'izay rehetra atao ?

Irina indrindra ianao ry taona ho taon-jina,
Ho taom-pahasoavana, ka tsy hisy ho diso fitahiana,
Hanjaka ny fifankatiavana sy ny fanahim-pirahalahiana
Ka hifanohantohan-tsy ho lavo eto an-tany fivahiniana.

Fotoana voafetra ihany no ahazoantsika miaraka,
Koa ny firariana hatrany no ataonay variraraka.
Arahaba tonga soa ianao re ry Asaramanitra !
Enga ho taom-pifaliana sy hamerovero hanitra !

Ivetso

Sokajy : Fifaliana

Hametraka hevitra

Midira aloha

Mombamomba

Mpanoratra : Ivetso

Nampiditra : Vetso
Daty : 05/01/2004
Mpamangy : 1868
Mankafy : 0

Tononkalo hafa

ANATIROVA
Ry tsy fantatra anarana
Etsy babeko
Ny fanahy no olona
I amalonkely
LOUISIANE