Ny vola (Jean Baptiste Tarzan)

fa ny mariko dia diso
ka ny mariny no rariny
bararatako mibiloka
fa ny hazony mahitsy

ny fahantrana angamba ho aho
manaboridana fanahy eh!
ka ny hasina izay very
nosoloiny vola irery

diso ve ny tenako milaza
fa isika ankehitriny
manao ny vola ho rangahy
ka ny olona fanahy
miha-razana tsy nahy

diso ve ny tenako milaza
fa ny lainga tsara lahatra
no modely fankan-tahaka
novidiany mpanarivo
ka nanjary atao filamatra

enga anie izaho ho diso
mpanendrikendrik'olo-maro
aleoko izaho ho olo-meloka
dia ho avotra ny marina
--------