Vano nizaha tandindona - Johanesa Rakotovao, mpitandrina

"Aza mandika ny soan-Janahary"

Aza vinitra ami-Nanahary,
         Ry sakaiza!
Na salama isika na marary :
         Tsara taiza !

Velon-tsento teo amoron-drano
          'Ngahy vano :
Eisy ! 'Zany tongotro sy vava
          Diso lava !
Raha izaho, manko, no nifidy
          Sy nandidy :
Dia naleoko zeny toa arosy
          Tsy hanosy !

Kanjo dia nandalo kosa, hono,
           'Reto jono !
Lalindalina fizotra sy fisosa,
            Nefa kosa
Na dia lalina aza, saikinany
Ikakibe Ravano lava vany,
            Ka azo ihany !

Dia nahita vano revon-dihy
           Ny farihy !
Vintsy niala voly teo am-pita
           No nahita,
Ka nanafatra ahy hanambara,
Fa ny vita-Nanahary : tsara !

Voambolana :
Jono : ilazan'ny Bara ireo karazan-kazandrano madinika, boribory lavalava, mena ny tendron-drambony. Ireo karazany vaventy, any amoron-tsiraka dia atao hoe : jebojebo, tofoka, zompona.

Mombamomba

Mpanoratra : Johanesa Rakotovao, mpitandrina

Nampiditra : Jantina
Daty : 04/08/2019
Mpamangy : 519
Mankafy : 1

Tononkalo hafa

Tsiriry nilanona
Vorona mifidy mpanjaka
Vonim-boasary mihintsana
Fody very anaka
Tsintsina nanao akany
Tsikirity momba fody
Lambo sy tanalahy
Tanalahy sy angidina
Ilay sahona sy ny bibilava ary ny takatra
Saobakaka sy tsindretra